Zaninah Kids Choice Awards sem dawn

Entertainment, media leh pop culture huanga khawvel hmun hrang hranga thlirtu naupang zawk te'n an artist, TV show, film, Music, Sports & Gaming leh Digital creator huanga che ṭha an thlan chhuahte hnena hlan ṭhin, Kids Choice Awards chu zaninah sem a ni leh dawn.

KCA hi Television City, Los Angeles, California-ah host Alex Warren kaihhruaina hnuaiah sem a ni dawn a, broadcast leh streaming hi Nickelodeon leh CBS aṭangin live a pek chhuah niin Paramount+ ah stream a ni bawk ang.

Kumin KCA-ah hian Jamie MIller chuan a hla hit "Babydoll" hmangin he hlaa a thawhpui Antonio Cipriano leh Victoria Justice ten show an khuh hawng dawn a; anni bakah Ashe leh Sofi Tukker te an perform dawn bawk. Actor Chris Pratt chu King of Comedy Honoree hlan a ni dawn a, hengte hi comedy huanga a sulhnute vanga hlan a ni dawn a ni.

KCA -ah hian category 25-30 awm ṭhinin kumtin category awmzat hi a danglam ṭhin a, kumin hian category 36 aṭangin awards sem a ni dawn. Category hrang hrang hi ṭhuang liah ṭhen leh niin Movies, Television, Music leh Sport & Creators-ahte ṭhen a ni leh dawn. Kumin hian 'Stranger Things' chu nomination hmu tam ber niin pasarihah a hmu a, mimala hmu tam ber chu Taylor Swift a ni a, category parukah a hmu ve a ni. Kumin hian category thar pathum 'Watch Party: Kids' Choice', 'Favorite On-Screen Duo/Trio', leh 'Favorite Clutch Player of the Year' siam belh a ni bawk.