Shillong-ah Martin Garrix

Dutch DJ, remixer leh music producer Martin Garrix chu nakkum March 16 hian, Holi lawmna atana Sunburn Arena-in khaw 10-a India tour a buatsaihah Shillong-ah a perform dawn. Tour hi Ahmedabad-ah March 10 aṭanga neih ṭan tur a ni a, March 22-ah Pune-ah a tawp khar a ni ang. Shillong bakah Bhubaneshwar, Chennai, Bengaluru, Kolkata, Hyderabad, Delhi, Mumbai leh Pune-ah te a perform dawn a ni.

Garrix hi 'Animals', 'In the Name of Love', 'Scared to Be Lonely leh 'High on LIfe' hmangtea hriat lar a ni. Sunburn Arena nen an thawhdunna hmangin kum 2017 khan Sunburn Festival-ah a lo perform tawh a, kum 2023 khan khaw pakuaah show a nei bawk. Hei bakah DY Patil Stadium-a Holi lawmnaah a lo perform tawh a, nikum December thla khan Mumbai-a Sunburn Festival-ah a perform leh bawk. Garrix chuan India-a a perform leh tur chu a phur thu a sawi a, tour chhung hian mipui 200,000 hmaah a perform a beisei tih a sawi.