Korea Box Offcie No.1 ah 'Chiikawa'

South Korea box office chart tharah, Japanese animated phenomenon 'Chiikawa the Movie: The Secret of the Mermaid Island' chu a zawnin kar li chhung No.1 ah a awm ta. Korean Film Council enkawl KOBIS tarlan danin, film hian kar hmasa chhung khan USD mtd 1.1 a lak luh belh leh a, September 30-a tlangzarh a nih aṭanga sum a lak luh tawh zawng zawng hi USD mtd 21 a tling. Pahnihnaah mystery thriller 'Final Interview' awmin, kar hmasa khan USD 787,344 la lut a, November 4-a tlangzarh a nih hnua sum a lak luh tawh zawng zawng chu USD mtd 1.2 a ni.

Survival thriller Brad Pitt channa, 'Heart of the Beast' chu pathumnaah awmin, kar hmasa khan USD 667,817 a lak luh belh a, October 28-a tihchhuah a nih aṭangin USD mtd 2.7 a la lut tling tawh a ni. Toho anime special 'Detective Conan: The Counterfeit Case of Ultra 30' chu palinaah awmin, USD 592,765 a lak luh belh a, sum a lak luh tawh zawng zawng chu USD 803,051 a ni. Panganaah animated feature 'The Cat in the Hat' awmin, kar hmasa khan USD 200,431 a lak luh belh a, sum a lak luh tawh zawng zawng chu USD 216,246 a tling.