SNAKES AND LADDERS tlangzarh

Nexgen Production film hmasa ber 'Snakes and Ladders' chu November 6, Zirtawpni zan khan Vanapa Hall-ah tlangzarh a ni ta. He film-ah hian Mizo Film Award lo dawng tawh mi pasarih an inlan a, FIARA Play Application leh Lersia Play-ahte en theih a ni. Film-ah hian Mizo Film Award-a Best Cinematographer dawngtu, Isaac Lalchhanpuia chu Director of Photography (DoP) a ni.

'Snakes and Ladders' ah hian nikum Mizo Film Award-a best actor leh best actress, Gilbert Colney leh Rosy Lalramthlengi te an chang dun a, en tichakawmtu pakhat a tling. Anni bakah award lo dawng tawh dang, lemchan lama kan hriat lar tak tak - Lalduhawma, Laraw Colney, RC Khiangte, Makima Chawngthu leh K. Vanlalawmpuia te an chang bawk. Actor ṭha leh tawnhriat nei ṭha, Sangtea Chhangte pawhin role pawimawh tak a chang.