Shillong-ah Maverick City Music

Khawvel huapa lar, Grammy award pawh dawng tawh American gospel collective, Maverick City Music chu kumin December 12 hian Krismas urlawkna peng pakhat atan Polo, Shillong-ah an perform dawn. Concert hi KJP Assembly-in Mission and Evangelism Department kaltlanga state sorkar puihnain, Rocksii EMG nen ṭangkawpa an buatsaih a ni. Concert-ah hian tualchhunga music lama talent nei ṭhate an inlan dawn tih a buatsaihtute chuan an sawi bawk.

Press conference-a thu a sawiah, KJP assembly administrative secretary Rev. S. Diengngan chuan an hun hman tur chu Krismas lam hawi rilru put leh, Assembly-a socio development project tana sum hmuh chhuahna tur a nih thu a sawi a, chung zingah chuan mi dangte ṭanpui, zirna leh healthcare a tel. Maverick City Music hian an hla 'Jireh' an larpui hle a, Grammy award an dawnpui bakah GMA award an dawng bawk a, kum 2022 khan Grammy-ah perform in, kum 20 hnua Kristian gospel group Grammy-a perform thei hmasa ber an ni.