Edinburgh International Film Festival-ah 'Kuch Kuch Hota Hai'

Bollywood movie lar Shah Rukh Khan, Kajol leh Rani-te channa, 'Kuch Kuch Hota Hai' chu a kum 30 tlin pualin kum 2028-a Edinburgh International Film Festival-ah tihchhuah a ni dawn. He hunah hian film siamtu Karan Johar pawh a tel dawn a ni.

Johar hian tun kar tir lam khan Scotland minister John Swinney leh Screen Scotland interim executive director, David Smith te nen meeting an neihah sawmna a dawng a ni. Meeting-ah hian Scotland leh Indian film/TV te thawh hona tur chungchang sawi ho a ni a, production leh co-production bakah talent tihhmasawn leh culture exchange chungchangte pawh an sawi bawk.

Swinney chuan Karan Johar nen an inhmu thei chu lawmawm a tih thu leh, festival-a tel tura sawmna a pawmsak avangin lawmthu a sawi.