Justin Timberlake-a'n 'Tell-All' docuseries tichhuak dawn

American singer-songwriter leh actor, Justin Timberlake chuan part li awmna docuseries 'Tell-All' tih chu kumin December thla hian Apple TV-ah a tichhuak dawn. Report ṭhenkhat chuan docuseries-ah hian Janet Jackson feature a ni dawn niin an tarlang a, Timberlake hian a ngaihzawng hlui, Britney Spears-i'n tun hnaia thuchhuah a neih chungchang a chhanletna pawh a awm dawn niin an tarlang bawk.

Series kalhmang tur kimchang puan a la ni loa, Fisher Stevens chu director a ni. Timberlake hian kum 2024 April thla khan a studio album parukna, ' Everything I Thought It Was' chawilarna atan 'Forget Tomorrow' world tour a nei ṭan a, nikum July 30 khan a tawp khar a ni. Hemi hnuah thawm a nei lo hle a, nikum July thla khan Lyme disease a nei tih puangin, tour-a a performnace ṭhenkhat pawh a nghawng niin a sawi.