Prince Estate-in '3121' expanded edition tlangzarh dawn

American singer-songwriter, Prince NPG Records leh Prince Estate chuan nakkumah kum 2007-a a album, '3121' expanded version tlangzarh a ni dawn tih an puang. Album hi December 11-ah digital leh 3LP + Blu-ray leh 2CD + Blu-ray set tlangzarh a ni ang. Digital edition-ah hian original trck 12 a awm dawn a, raw recording 10 a awm dawn bawk. Chung zingah chuan 'The Word', 'Love', Time of ur Life' leh a dangte an tel.

Hei bakah concert film 'Sign O' the Times' hlawhtling taka tihchhuah a nih hnuah, 'Prince: 3121 Las Vegas Concert' chu U.S. leh Canada-a theatre-ah December 3 aṭanga tihchhuah a ni bawk ang. '3121 Las vegas Live' album pawh triple-LP crystal blue vinyl leh 2CD in Novemver 27-ah tlangzarh a ni dawn bawk a ni. Live concert film hi minute 154-a thui a ni. '3121' physical edition-ah hian kum 2007-a Las Vegas-a concert footage en tur a awm dawn a ni.