Comedian Search 2026 pakhatna MC Zothanpuia

MBOCWWB RAHBI CHHERTU Comedian Search Season 18-na chu October 30 Zirtawpni liam ta zan khan Grand Finale neih a ni a, MC Zothanpuia, Tawipui South/Zemabawk chu fiamthu thiam ber niin pakhatna a ni.

Grande Finale-ah hian mi panga an inel a, pahnihnaah Nicolas Lalṭanpuia, Hualtu/ITI thlangin, kum dang Comedian search-ah pawh kan lo hmuh fo tawh Hrangkapchhunga, Zemabawk chu pathumna a ni.

Pakhatna MC Zothanpuia hian lawmmanah pawisa fai Rs 1,00,000, scooter leh smart TV a dawng a ni. Pahnihnain Rs 50,000 leh refrigerator, pathumnain Rs 30,000 leh washing machine a dawng. Heng bakah RS Traders leh LBS Group aṭangin thilpek an dawng bawk.

Comedian Search intihsiakna hi September 30 khan ṭan a ni a, MBOCWWB RAHBI CHHERTU, Labour Employment Skill Development and Entrepreneurship ten an sponsor a ni. Kumina Comedian Search-ah hian H. Rotluanga chu Chief Organiser/Judge niin, kum danga Judge kan lo hmuh tawh ṭhin Lalhruaitluanga Chawngte leh Darrokima te chu Judge an ni leh a bawk.