Nakkumah Noah Kahan stadium world tour

American singer-songwriter, Noah Kahan chuan nakkumah 'The Last of the Bugs World Tour' chu North America leh Europe-ah a nei dawn tih a puang. Kahan hian 'Great Divide World Tour' chu tun nipui khan hlawhtling takin a lo nei tawh bawk.

North American tour hi Live-Nation buatsaih tur a ni a, April 24-ah Athens-a Georgia-a Sanford Stadium-ah khuh hawn a ni dawn a, East Rutherford-a Metlife Stadium-ah June 18 thleng neih chhunzawm a ni ang. Kahan hian May 29 aṭanga June 2 thleng Boston-a Fenway Park-ah a perform bawk dawn a ni. Show a neihna tur hmun dangte chu Detroit, Las vegas, San Francisco, Montreal, Nashville leh hmun dang eng emaw zat an tel. June thlaa North American tour a neih zawhah, Kahan hian July 1 aṭangin Europe-ah show a neih chhunzawm dawn a; Germany, Italy, U.K. leh ram dang eng emaw zatah a perform bawk dawn a ni.