TXT-in 'PERFECT STORM: THE MOVIE' tlangzarh dawn

South Korean boy band TXT mini album pakuana, 'PERFECT STORM' tihchhuah tur denchhenin, role-playing film 'PERFECT STORM : THE MOVIE' tihchhuah a ni dawn tih an agency BIGHIT MUSIC chuan a tarlang. Film-ah hian Korean mystery variety series lar, 'Crime Scene' writer chuan script a ziak a ni. Hei hi 'Crime Scene' writer nen an thawh ho vawi khatna a ni loa, nikum July thla khan 'HELLO STRANGERS' ah an lo thawk ho tawh bawk.

Film-ah hian band member pangate chu backstory nei character angin an lang a, an nitin nuna harsatna leh buaina an tawh an hmachhawn dante tarlan a ni. Film hi Seoul-a CGV Yongsan I'Park-ah November 21-ah screening neih a ni dawn a, hemi hnuah an group official YouTube channel-ah part hrang hrangin November 25 leh 27 hian tlangzarh a ni ang. TXT hian an mini album thar 'PERFECT STORM' hi November 16, an ram huna zan dar 6-ah an tlangzarh dawn a ni.