Asian artist zinga Spotify-a follower ngah ber Jungkook

South Korean boy band BTS member Jungkook chuan Spotify-ah record thar siam lehin, a account chuan follower mtd 22 a nei tling ta. Kum 2022 February 11-a a account hawn a nih aṭanga kum thum leh thla riat hnuah hemi zat hi follower neiin, Asian group leh solo artist zinga follower mtd 22 nei tling thei hmasa ber a ni.

Jungkook hian kum 2023 hnu lamah solo single emaw solo album emaw tihchhuah a nei lo a, heti chung hian follower nasa takin an pung tho a ni. A hla stream pawh pun chhunzawm zelin, a solo debut 'Seven' chu Asian artist-te hla zinga stream tld 3.1 nei thei hmasa ber a ni. 'seven' leh 'Standing Next to You' chuan stream tld 1.5 chuang an nei a, K-pop solo artist zinga Spotify-a hla pahnih stream tld 1.5 chuang nei thei hmasa ber a ni bawk.

'3D' leh Charlie Puth a thawhpuina, 'Left and Right' chuan stream tld 1 a nei tling tawh bawk. Jungkook hi K-pop solo artist zinga Spotify-a monthly listerner mtd 40 nei thei hmasa ber a ni bawk a, tun dinhmunah monthly listener mtd 14.8 a nei mek a ni.