'What Happens at Night' ah Charli xcx

British singer-songwriter leh actress, Charli xcx chu Martin Scorsese nen a album, 'Music, Fashion, Film' cover photo-a an thawhdun piah lamah thawhdunna thar an nei leh ta. Charli hi Scorsese movie thar 'What Happens at Night' ah Leonardo DiCaprio leh Jennifer Lawrence-te nen an inlan ho a ni. Film hi gothic psychological drama a ni a, Apple leh StudioCanal kutchhuak a ni. Film hi kum 2023-a tihchhuah, 'Killers of the Flower Moon' follow-up a ni.

Charli hi film-ah hian eng angin nge a inlan tih sawi a la awm loa, a changtu dang zingah Mads Mikkelsen, Patricia Clarkson leh Jared Harris-te pawh an tel. Kum hnih liam ta chhung khan movie pasarihah a chang a, chung zingah chuan 'The Moment' pawh a tel. Charli hian U.S. a tour a neih chu zo fel tawhin, nakkum February hian Europe-ah tour a neih chhunzawm leh ang.