'Time After Time' remix-ah Cyndi Lauper, Tones And I leh DJ Cyril

80's chho vela hla hit em em, Cyndi Lauper hla 'Time After Time' chu tunlai mil leh danglam zawka siam tharin remix a ni. He 80s hit remix hi producer leh DJ ni bawk, Cyril leh Tones And I chuan kum 1984 vela ballad lam hawi ni ṭhin hla kha dancefloor anthem lam hawia siam danglamin nimin October 23 khan tihchhuah a ni.

Classic hit khawih danglam hi YouTube lamah Cyndi Lauper channel-ah dah a ni a, a lar vanglai hre pha tan chuan tunlai zawka siam danglam a ni hian an lung a tihlen thar ngei a rinawm. Hemi rual hian a hla hmasa mawi ti zawk pawh an awm bawk ang. Cyril hi Australian DJ niin Tones And I hi Australian singer leh producer, 'Dance Monkey' hla hmanga khawvel hriat hlawh rawn ni ta kha a ni bawk.