MZI General Conference vawi 32-na hmang

Mizo Zaimi Insuihkhawm (MZI) pawl chuan Ningani zan aṭang khan I&PR Auditorium-ah General Confernce vawi 32-na an hmang a, nimin khan ro relin hruaitu thar an thlang nghal bawk.

Conference ṭan zan hian Mina Zoliani Zote, Director I&PR chu khuallian a ni a, MZI General Headquarters president Rosiamngheta'n palaite lawmna thu a sawi. District Headquarters tin aṭangin report ngaihthlak a ni bawk. Hemi zan hian MZI member boralte sunna hun hman a ni.

Khuallian Mina Zoliani Joute, Director I&PR chuan zaimite hlutna leh Mizote'n rimawi kan tuipui zia thu sawiin, rimawi hmang hian ṭhian tha tak tak a siam theih thu te, rimawi hmang veka ruihhlo a do theih zia thu a sawi a, tun aia nasa zawk a ṭan la zel turin zaimi kalkhawmte chu a fuih. Hun hmanah hian zaithiam hrang hrangte an zai bawk.