Sony-in Walkman siam thar leh

Japan company lian, Sony chuan 80s leh 90s chhoa an larpui, protable music player, Walkman update a tichhuak thar leh. Walkman hi chi thum siam tharin, Android 16 leh touch screen a ni tel nghal. Mahse, nakkum January thla laihawl velah a thawn chhuak chauh ang.

Sony chuan Walkman model thar a siamte hi NW-WM1ZM3, NW-WM1AM3 leh NW-ZX900 tiin a vuah a, thil hlu tak chhawm nun lehna tiin anmahni ngei pawhin an ngaihlu hle. Audio format tam tak - MP3, WMA leh FLAC file te bakah, Direct Stream Digital (DSD) leh Apple Lossless te pawh a dah theihin a play theih. Wired headphone port bakah Bluetooth connectivity pawh a awm a, Wi-Fi a hman theih bawk. USB-chargeable niin, an battery hian darkar 30 chhung hla play a daih niin Sony chuan a sawi. A man erawh a tlawm lem lo, USD 1,900 - 5,000 inkar an ni dawn.

Kum 1979 khan Sony chuan tape cassette play theihna, Walkman hi siam chhuakin a larpui hle a, kum 2014-ah khan Walkman hi khawvel pumah mtd 200 chuang an hralh hman a ni.