Selena Gomez-in nicotine vape-in a aw a tihchhiat thu sawi

Lemchan leh rimawi huanga thawm nei lian, Selena Gomez chuan Pathianni liam ta khan a Instagram story-ah nicotine vape a tih ṭhinin a aw a tihchhiat thu a sawi. Hemi rual hian Gomez chuan hetiang chindan ṭha lo hi a sim tawh thu a tarlang nghal a, fan ṭhenkhat a aw ngaina tawh lote pawh a dem loh thu leh an zalenna a nih thu sawiin, a hriatthiam thu a tarlang tel bawk.

Gomez chuan a vape tih ṭhin chungchang hi sawiin a sim thei chu a lawm thu a tarlang a," Ka aw hi ka tidanglam thei tawh lo a, hei hi nicotine vape ka tih ṭhin vang niin sim a har hle a, ka aw tichhe vektu a ni" tiin vape tih chu thil sawngsawhlawt lo tak leh thil atthlak tak a nih thu sawiin a fan-te pawh a fuih nghal a ni.