MAMA Awards nomination puang: BTS leh Big Bang langsar

K-Pop leh Asian rimawi huanga chawimawina ngaihhlut, Mnet Asian Music Awards chu November 20 leh 21 khian Kyocera Dome Osaka, Japan-ah sem a ni leh dawn ta. He awards sem tur atana nomination hrang hrangte chu Thawhṭanni zan kha puan a ni, group angin BTS chuan nomination a hmu tam ber a, category pangaah nominate an ni. BIG BANG chu category paliah nominate an ni bawk.

Kumin awards ceremony theme atan hian 'A Music Interstellar' tih hman a ni a, awards dawng thei tur hian October 1, 2025 - September 30, 2026 inkara music tichhuahte a huam.

MAMA nomination hi 2027 Grammy Awards atana voting round hmasa ber neih niah chiah puan niin, BTS chuan 'Artist of the Year' 'Best Male group', 'Album of the Year' , 'Best Vocal performance group', leh 'Best Music video'-ahte nomination hi an hmu. Anni dawtah BIGBANG chuan group angin category paliah nomination an hmu a, Taeyang leh G-Dragon te solo project chuan nomination pali an hmu ve ve bawk. BTS member J-Hope chu category pahnihah nominate a ni ve bawk.

BTS leh BIGBANG-te hi category in ang 'Artist of the Year', 'Best Male Group' , leh 'Best Music Video' ahte an insu dawn a, K-Pop boy band thawm lian ve ve in su tur hian fan-te zingah pawh in elna a titam leh ngei tura ngaih a ni bawk.