Billboard Hot 100 No.1 ah 'Patient Zero' awm chhunzawm

American singer-songwriter Taylor Swift chuan, Billboard Hot 100-ah 'The Life of a Showgirl: The Encore' lead single 'Patient Zero' chu No.1 ah a lanpui chhunzawm. 'Patient Zero' hi 'Encore' a hla pali zinga mi a ni. He hla hian official stream mtd 17.4 neiin 50% in a tlahniam a, Streaming Songs chart-ah No.1 aṭangin pahnihnaah a tlahniam bawk.

Billboard Hot 100-ah hian Toronto rapper Drake chuan, Don Toliver a thawhpuina 'Solar Eclipse' chu No.5 ah a lanpui bawk a, Ella Langley chuan 'Choosin' Texas' chu No.2 ah a lanpui bawk. 'Solar Eclipse' hi Drake chuan September thla laihawl khan YouTube-a 'Fear of Missing Out' film-ah a tichhuak a, hemi hnuah streaming service hrang hrangah a tichhuak zui a ni. Tunkar Hot 100-a langsar dang zingah Slovakian pop newcomer, Adéla chuan a hla 'Nicole Kidman' tih chu No.12 aṭangin 9-ah a inhlangkai bawk.