Metallica-in platform politics kaihhnawih atan hman duh lo

Ameican heavy metal band, Metallica frontman James Hetfield chuan The Sphere, Las Vegas-a kar liam ta kartawpa Life Burns Faster residency an neihah, an band chuan an platform chu music bik atan chauh an hmang dawn a, pawn lam agenda - a bikin politics kaihhnawih thil atan an hmang ve dawn lo tih a sawi.

Khawthlang lam artist hrang hrangten an show bakah, music/film festival-ahte politics agenda lam auchhuahpui an ching hle. Hetfield chuan hetiang huna an mimal ngaihdan sawi a, mi dang sel ching leh an ngaihdan ang pawmtir tum tlat enternainer-te chu a sawisel zui bawk. Metallica chuan politics thila an mimal ngaihdan chu kalkhawmte hmaa sawi a, hneh an tum ve ngai dawn lo a, an show chu music chauhah insawrbingin, pawn lam thilin a tihbuai ve loh tur thu a sawi. Metallica chuan rimawi hmanga hlim leh nuamti taka awm tir chu a tum ber a ni, a ti. Kum 2016 daih tawhah khan BBC in a kawmnaah, Hetfield chuan mipui ṭhendarh thei, politics leh sakhaw kaihhnawih topic-te lakah inthiarfihlim a, music hmanga an fan-te nena inzawmna ṭha neih chu an thlan zel tur thu a lo sawi tawh bawk a ni.