'Naruto' manga 'Shadow Rising' tlangzarh dawn

Japanese manga series 'Naruto' fan-te tana thu lawmawm, anime TV series thar tihchhuah tur niin, author Masashi Kishimoto chuan 'Naruto' manga 'Shadow Rising' a tlangzarh dawn. He anime series thar hi manga lar tak 'NINKŪ' nen crossover a ni dawn a, Koshimoto leh 'NINKŪ' creator Koji Kiriyama chuan a endik dawn a ni.

He thu hi Inrinni khan New York Comic Con-a 'Naruto' panel-ah puan a ni, he hunah hian 'Naruto' manga 'Shadow Rising' hi puan nghal a ni. Panel-ah hian 'Naruto' live-action movie director, Deatin Daniel Cretton chuan film tihchhuah tur hi zau zawkin a sawilang bawk. 'NARUTOxNINKŪ' anime-ah hian team 7 member; Naruto, Sasuke leh Sakura-te chu Kakashi-a'n mission pein, Kakashi a tel theih dawn loh avangin Naruto chu team leader atan ruat a ni. 'NARUTOxNINKŪ' anime leh 'Shadow Rising' te hi YouTube-ah a teaser tihchhuah a ni tawh bawk.