CaratLane-in dawr pahnihna hawng

Tata product, CaratLane chuan Aizawl khawpuiah an dawr pahnihna chu Ch. Saprawnga Building, Chanmari-ah Zirtawpni khan a hawng a, Zo-Inspiration Founder Emmanuel Thangrosanga chu khuallian niin, ribbon chep chatin a hawng a ni.

Mizorama business partner Lalhmingsangi (Masangi) enkawl CaratLane hian Diamond, Gold, Platinum, Silver leh Gemstone chi hrang hrang an zuar. Heng an thil zawrh te hi BIS Hallmark vek niin, an Diamond hman zawng zawngte hi natural vek an ni. Rangkachak hlui engpawh vawiin nia rangkachak hlutna ang zelin Dawrpui leh Chanmari dawrah an thleng thei a; rangkachak takzawng (purity) endikna khawl tunlai khawl 'Karatmeter' hmangin engtiklai pawhin a dik leh dik loh an endik sak thei bawk.