Prime Video-ah 'Chaar Yaar' tlangzarh dawn

Indian crime drama, 'Chaar Yaar' tih episode pariat awmna chu khawvel puma Prime Video-ah tlangzarh a ni dawn. Drama-ah hian Purav Jha, Naman Jain, Saqib Ayub leh Prayrak Mehta-te chu a changtu ber an ni. Supporting actor zingah Sai Tamhankar, Sikandar Kher, Dibyendu Bhattacharya, Rajesh Tailang, Chunky Panday leh Bhagavathi Perumal-te an tel bawk.

Series hi Sambit Mishra leh Saurabh Sawant-te script ziah hmangin Vinay Waikul chuan a direct a, an pathum bakah S. Hussain Zaidi chu creator an ni. BBC Studios India kutchhuak niin, Pranati Nagarsheth, Niraj Nagarsheth leh P.S. Shyam-te chu producer an ni. Series hi Mumbai-a kum 2000 bawr chho hunlai anga chan a ni. Show hi Hindi-in India Prime Video-ah stream theih a ni dawn a, ram 240-ah October 23 aṭangin stream theih a ni bawk ang.