Miss Northeast Diva 2026: Oct 13-ah Aizawlah audition nei dawn

Miss Northeast Diva 2026 thlanna neih turah October 13 hian Aizawlah audition neih a ni dawn a, mi panga thlang chhuakin Guwahati-ah heng mi pangate aṭang hian Miss NE Diva Mizoram 2026 thlan a ni ang

Miss Mizoram Organization leh CG Entertainment Mizoram te chu official scouting team an ni. Miss NE Diva Mizoram 2026 atana thlan chhuah hian NE state dang aiawhte nen Miss NE Diva 2026 atan inelna an nei dawn a, Miss NE Diva winner chu Miss Diva India 2026 pageant-ah a tel leh dawn a ni.

Miss NE Diva Mizoram 2026 winner chu Femina Miss India 2027-ah Mizoram aiawha tel turin a tling nghal bawk ang. Audition neih tura tan hian registration tih theih a ni tawh a, @miss_mizoram @cg.entertainment.mizoram ah zawhfiah theih a ni.