Hnahsin Kut: Zaninah Leikapui Zan hmang dawn

Champhaiah a kum thumna atan Hnahsin Kut hman mek a ni a, ram chhung leh ram pawn aṭangin tlawhtu an ṭhahnem hle. Kut lawmna pualin programme hrang hrang buatsaih a ni a, zanin hian Leikapui Zan hlimawm tak hman a ni ang.

Zanina zai tur zingah Deborah, Kimkima, Thangromawia, Aengi & Rosalyn leh Hmangaihate an tel a, Hruaitei'n a host dawn a ni. Hei bakah vawiin hian Traditional Day hman a ni dawn bawk a, Mizoten infiamna kan neih hrang hrang hmanga infiamna hun a awm dawn bakah, Cultural Show neih a ni bawk ang.

October 10 hian Costume Day hman a ni ang a, hetah hian cosplay competition + par Vul ni buatsaih a ni dawn a, Mizoram Cosplay Organization-in a host dawn a ni. Hemi nia inchei mawi/par/vul berte hnenah thilpek ṭha tak tak pek an ni ang. Zan lamah a vawi khatna atan EDM Night hman a ni dawn bawk.

Hnahsin Kut lawmna programme hi October 12, 13, 14 leh 15-ah neih chhoh zel tur niin, October 16 hian a kharna neih a ni dawn a ni.