A$AP Rocky-a'n Roc Nation School Scholarship pek tur puang

American rapper leh actor A$AP Rocky chuan, Long Island University-a Roc Nation School of Music, Sports & Entertainment-a zirlaite tan kum li chhung full-tuition scholarship pek an nih tur thu a puang. Scholarship hian Roc Nation School-a zir thar turte tan kum li chhung zir theihna hun remchang a siamsak dawn a ni. LIU-a Roc nation School-ah hian kum 2021 khan zirlaite an inziak lut ṭan a ni.

A$AP Rocky chuan, ṭhalaite zingah idea nei ṭha tak takte leh tumna sang tak nei an awm thu sawiin, he scholarship hmang hian an hmathlirte an tihhlawhtlin theih a beisei thu a sawi. Dilna pawh hawn ṭan tawh niin, nakkum favangah zirlai tharte hi zirna pek an ni dawn a ni. Artist, infiammi leh entertainment lama mi hriat hlawh tak tak zinga Roc Nation School of Music, Sports & Entertainment-a zirlai lo ni tawh zingah DJ Khaled, Megan Thee Stallion leh NBA All-Star LaMelo Ball bakah, engineer leh producer Young Guru-te pawh an tel.