Spotify-in audiobook ram 180-ah kalpui ṭan

Khawvel huapa music streaming platform lian Spotify chuan nimin khan an platform kaltlangin khawvel ram hrang hrang 180 ah audiobook huang an zauh thu an puang. An audiobook huang zauhna ram hrang hrangte hi Europe, America, Caribbean, Middle East, Africa, leh Asia huam chhungahte niin user maktaduai 750 chuang tan hman theih a ni.

Spotify hmalakna thar hi an elpui lian ber ni mek, Audible app khing pha thei tura duan a ni a, khawvel hmun hrang hranga kalpui a nih hma hian English ṭawng hmanna ram hrang hrang U.S., U.K., Ireland, Australia, New Zealand leh Germany-ahte kalpui a lo ni tawh. Company chuan an hmalakna hnuaiah hian title hrang hrang 350,000 awm nghalin, huang zauhna tur hian ṭawng dang 120 chuang a hman theih tura hmalak a ni zui dawn tih an sawi.