Billboard 200: Encore vangin Taylor Swift 'The Life of a Showgirl' No.1 ah kir leh

Billboard 200 album chart tharah a zawn loa kar 13 chhung No.1 a nihna turin Taylor Swift album thar ber 'The Life of a Showgirl' chu No.1-ah a rawn kir leh. He album No.1 a rawn nih leh theih chhan hi September 25-a hla thar pali dah belha tihchhuah nawn leh a nih vang a ni. Hun rei tak top chart-a a lan tawh loh hnuah No.21 aṭangin No.1 ah hian a rawn kaisang thar leh a ni.

'The Life of a Showgirl Encore' ah hian hla pali “Patient Zero,” “Cleveland!,” “Pink Clouding” leh “Babylon” tihte chu dah belh a ni a, tihchhuah nawn-ah hian 'Patient zero' chu focus track anga hman a ni. He hla official music video hi September 27-a MTV VMA sem ṭumah khan premier a ni nghe nghe. Album hian kar liamta chhung khan equivalent album unit 173,000 neiin thla kua dawn a liam hnuah No.1 a rawn ni leh thei.

Kar hmasa lama pangana, Olivia Rodrigo pawh a album thar ber 'you seem pretty sad for a girl so in love' tih hmanga album unit 67,000 neih belhin pahnihnaah a rawn kaisang thar ve leh. Ella Langley 'Dandelion' chuan album unit 58,000 neiin pahnihna aṭangin pathumnaah a tlahniam ve thung.

Chart mawitu Morgan Wallen pawh "I'm the Problem" chu palinaah awm nghet zelin equivalent album unit 56,000 a neih belh leh. No.1 pawh lo ni tawh Noah Kahan album 'The Great Divide' chuan album unit 45,000 hmangin Top 5 ah a lang bawk.