Mulligan leh Mumford-ten naupangte tan USD mtd 7.65 hmu chhuak

British actress Carey Mulligan leh British singer, Marcus Mumford-te nupa chuan Pathianni zan khan Los Angeles-ah indona hmun leh buaina chhuahna hmuna awm naupangte puihbawmna tur USD mtd 7.65 an hmu chhuak. He an hmalakna hi Children in Conflict tih niin, naupangten venhimna, zirna leh rilru lam hriselna an neih theihna tura kalpui a ni.

An nupa hian kumtina an neih ṭhin, Wassail benefit chu El Rey Theatre-ah a vawi khatna atan an buatsaih a, hemi hma hian London leh New York-ah an lo buatsaih tawh a ni. He hunah hian comedian Jack Whitehall emcee niin; Mumford & Sons, Brandi Carlile, Sierra Ferrell leh Jensen McRae-te an perform. Hei bakah Viola Davis leh Octavia Spencer-te chu programme-ah hian an tel bawk. Guest zingah Daisy Edgar-Jones, Emma Watson, Courteney Cox, Kristen Bell, Dax Shepard, David Chang leh mi dang eng emaw zat an tel.