Cairo-a She Arts Festival-ah Evenflow

Mizo blues leh rock band Evenflow chu October 3-a Cairo-a AUC Tahrir Square Main Garden-a She Arts Festival-ah an perform. Cross-cultural musical showcase-ah hian mipui hmaah Mizo hnam ziarang pholang thei turin performance ropui leh hlawhtling tak an nei.

Evenflow band hi kum 2008 khan din a ni a, India hmarchhak bialah an rimawi hmangin mite ngaihven an hlawh hle. An band lead singer Chali hian kum 2016 khan band hi zawmin, a tel hma pawhin Evenflow band a ngaihsan ṭhin thu leh, an perform lai a en nasat ṭhin bakah band-a tel ve a chak ṭhin thu a sawi. Band lineup hi Lead Vocals–Chali, Lead Guitar & Multi-instrumentalist/Producer–Ephraim, Rhythm Guitar–Victor Sailo, Bass- Kima Khawlhring leh Percussion & Drums–Eric Chenkual an ni.

Kum 2013 khan All India Radio Shillong chuan Evenflow hi Radio Grade "B" High Artist title pein, kum 2017 khan band vocalist Chali hi Mizorama YMA Beat Contest-ah Best Vocalist atan thlan a ni bawk. Evenflow band hi Mumbai-a Mahindra Blues Festival-a an perform bakah, Rolling Stone India's Future of Music 2026-ah feature an ni bawk.