Sawmtea Chhangte MV thar tlangzarh; Lil Kiki nen Pathian fakin zai dun

Mizo mipa Gospel artist lar, Sawmtea Chhangte chuan hun rei tak music video a tihchhuah loh hnuah, ama hla phuah ngei 'Beisei Tur Nang i awm' tih music video thar a tichhuak. Music video thar mawi leh hmuhnawm tak hi Thawhlehni zan khan Zonet director, LV Lalthantluanga (Tatoa) chuan a tlangzarh a ni.

Music mawi tak leh recordin hi Ben OPA kutchhuak a ni a, director hi zaithiam lar tho Michelle Varte a ni. He music video-ah hian tunlaia rapper lar, Lil Kiki chuan puiin, gospel rap awi tak kan hmu. A video pawh a mawiin thlir a nuam hle.

Sawmtea hian kum 15 chuang chu active takin zaiin rawng a bawl tawh a, Zoram chhung bakrah ram pawn lam thlenga programme hrang hrang a ngah avangin music video erawh rei tak siam hman loin a awm. Ama hla phuah ngei hmangin video thar a rawn siam leh thei a, hla dang pawh sual chhuah zel a tum tih a sawi.