'Spider-Man: Brand New Day' Re-release dawn

Hollywood titi zinga thawm ring ber pawl chu Tom Holland channa 'Spider-Man: Brand New Day' chu cinema lamah tlangzarh nawn (re-release) leh tur chungchang a ni awm e. Variety tarlan danin, tihchhuah nawn turah hian tihchhuah tawha tel lo footage leh scene thar eng emaw zat belh a ni dawn a ni.

Kumina blockbuster film hlawhtling ber zinga mi hian khawvel pumah USD bilion 2.5 dawn hai lut tawhin, North America bikah ringawt pawh USD mtd 950 chuang zet sum a la lut tling tawh a ni. Re-release a nih leh dawn takah chuan US box office a USD billion 1 la lut tling thei film hmasa ber pawh a ni thei tura rin a ni bawk.

Mipui lam hriat chak ber chu scene thar belh tur hi a ni. Tarlan danin a hmaa lantir loh Rosario Dawson-i lanna 'Claire Temple' scene-te pawh tihchhuah tel maithei ni tura beisei a ni. Film hi Destin Daniel Cretton chuan a direct a ni.