2026 MTV VMA : Hranghlui Madonna a hrang ṭha leh; awards 7 hum haw

2026 MTV Video Music Awards chu Pathianni zan khan Peacock Theater, Los Angelese California-ah American rapper chuai thei lo Snoop Dogg kaihhruaina hnuaiah ropui taka neih a ni leh ta. Awards ceremony-ah hian hranghlui Madonna chuan rimawi huanga a thawm nat zia rawn lantir nawnin award pasarih a hum haw thei a, ṭhangthar zingah pawh kum 68 mi hian a theihna a rawn lantir leh thei a ni.

Madonna hian VMA a dawn tawh zawng zawng hi 26 a tling a, Taylor Swift (32) leh Beyonce (29) te chiah a phak tawh lo. Korean boy band, BTS pawh award pathum lain, award hawn tam pahnihna an ni thei a, anni hnungah hian Tayor Swift, Sabrina Carpenter, leh Ariana Grande-te chuan award pahnih ṭheuh an la ve bawk.

Award semnaah hian Madonna hian kum 23 hnua a vawikhatna turin Opening act a rawn nei thei a, hei hi VMA-ah ṭum nga opening act a neihna a nih bakah opening act nei ngun ber record a siam nghal a ni. Artist fam ta Dolly Parton leh George Michael hriatrengna pualin Kacey Musgraves, RAYE, SOMBR, Teddy Swims leh Adam Lambert te an perform a. Nirvana hnenah Video Vanguard awards hlan a ni bawk a ni.