Nagaland Film 'Angh' in International Platform Award dawng

Toronto International Film Festival (TIFF) 2026-ah Nagaland film, 'Angh' chuan lawmman hlu tak 'Platform Award' a dawng a, hei hian Oscars 2027 Best International Feature Film category-a a compete theihna tur kawng a hawnsak dawn a ni. Director Theja Rio-a siam film hi TIFF award pawimawh tak dawngtu a nih tak vangin tualchhung lawmman piah lamah Oscars zinkawng a tan a inhawng zau ta hle a ni.

1960 chho vela Nagaland Konyak hnamte khawtlang nun leh hnam zia changkan chhoh dante tarlanna 'Angh' hi 16mm film hmanga lak a ni. An thlahtu bulte rinna leh a tawp thlenga an rinna an chelh tlatna lam tarlan a ni. Film siamtu Rio chuan, "Kan hnam zia leh kan ram hmangaihna lantirna tura kan siam a ni a, hetiang dinhmun kan thleng thei hi kan hlawhtling hle a ni," tiin a sawi.

India ram aiawha Film Federation of India (FFI) lamin Marathi film 'Gondhal' an chawi lar chhoh meklaiin, 'Angh' hian khawvel huapa film festival lian zingah chawimawina a dawng a, khawvel cinema chawimawina ropui Oscars nomination-ah pawh lan ve beiseina sang tak a awm mek a ni