BTS-te Mexico-ah an zin leh dawn: President Sheinbaum

Mexico president Claudia Sheinbaum chuan khawvel huapa thawm nei lian K-pop boy band, BTS chu kum 2027 khian an ram Mexico-ah an zin leh ngei tur thu a puang. He thu hi an ram tlawhtu, South Korea president Lee Jae-Myung nena meeting an neih zawhah a puang a ni. Hetih lai hian BTS agency, BIgHit Music leh HYBE lam chuan official-in engmah puan an la nei lo thung.

President Sheinbaum thusawi hian Latin America rama BTS fan ARMY-te a tiphur hle. Mexico hi K-pop ngainatu leh thlawptu tamna ram pakhat a ni. BTS-te'n tour an neih ṭum pawh khan ticket chang lo an tam hle. Kum 2027-ah Mexico ramah an perform leh dawn nia sawi hian ram hrang hranga ARMY te ngaihven a hlawh nghal hle a ni.

Mexico leh South Korea ram hruaitute ram pahnih thawh dunna tur hrang harngte an ziak a, heng zingah hian culture leh education kaihnawih thilte a tel. Hei bakah K-pop chungchang leh Mexico rama boruak a neih dante pawh an sawi dun. President Sheinbaum chuan ram pahnite hian Mexico-a K-pop culture puala centre din dan turte pawh an ngaihtuah tih a tarlang.