Sony Music Group-in AI content coalition pawl ARIAM zawm

Sony Music Group chuan Artificial Intelligence (AI) hmasawnna kawnga hnathawktute leh creators te dikna chanvo humhalh tura din, 'Alliance for Responsible Innovation in the Arts & Media' (ARIAM) chu an zawm a, music industry aṭanga zawm hmasa ber an ni. ARIAM hi khawvel huapa content leh technology sector-te thawh hona ṭangrual pawl a ni. AI hmanga thil thar siam chhuah leh hmasawnna hman dik a nih theih nan te, hnathawktute kutchhuak humhalh leh hmangtute himna leh dikna a taka kalpui a nih theih nana din a ni.

Sony Music Group Chief Operating Officer Kevin Kelleher chuan, AI hmanga thil siam ṭhin 'Generative AI' hian zai thiam leh hla phuahtute tan kawng thar tam tak a hawn rualin, chona thar leh harsatna thar tam tak a thlen belh ve a ni, a ti. AI hi mihringte kut chhuak leh hlutna dah pawimawh chunga dik leh fimkhur taka hman a nih chauhin hmangtu leh thil siamchhuaktute tan awmze nei takin a thawh theih dawn thu a sawi bawk.

ARIAM-ah hian Sony Music bakah Disney, BBC, Fox Entertainment, The New York Times, leh Adobe te pawh an tel tawh a ni. Music leh kutchhuak dangte humhalh chunga technological innovation hmasawnna thlawp zel chu an tum ber a ni.