Zaninah 'Hringnun Pahnih' tlangzarh dawn

Mizo artist ngaihven hlawh leh huhang ngah tak, Youngfella film channa hmasa ber, 'Hringun Pahnih' tih chu Vanapa Hall-ah zanin dar 8 hian PC. Lalremruati'n a tlangzarh dawn. A hmunah ticket lei tur a awm dawn bawk a ni.

'Hringun Pahnih' movie hi Fanai Pictures siam niin, an feature movie pangana a ni. Movie hi F. Lalrindika direct a ni a, Director of Photography chu Christo Pa a ni. He movie thawnthu hian awmze ril leh thuk tak a nei a, Mizo ten hmuhnawm kan tih tur chi, tute tan pawha en theih leh hmuhnawm tak a ni.

Role pawimawh tak changtu Youngfella hi lemchan lamah pawh talent a neih ṭhatzia a hmuh theih dawn a, movie puma boruak siamtu ber leh OST mawi taka satu a ni bawk. Lemchan lama tawnhriat nei ṭha tak tak; Ruthy Chenkual, Nu Machhungi, Pu Dena, Mendal, Puipuii Fanai, Esther Hadasi, Pu Hruaia, Adama, Pu Siamteate leh lemchan thiam eng emaw zat an inlan bawk. Zanin dar 8 aṭangin OTT Platform pathum; LERSIA PLAY, RUNMAWI leh BUMRO-ah te en theihin chhawp chhuah a ni nghal dawn.