HYBE CINE FEST-ah BTS, SEVENTEEN, TXT leh ENHYPEN

HYBE leh Trafalgar Releasing chuan kumin October 24 aṭanga 31 thleng khawvel pum theatre-ah cinema event an buatsaih leh dawn. Kum 2024 khan hlawhtling takin Latin America-ah he festival hi an khuh hawng a, nikum khan Asia pumah an buatsaih leh bawk. Festival hi a vawi khatna atan khawvel puma territory 60-ah huang an zauh leh ta a ni.

Kumin festival lineup-ah hian BTS-in South America-a 'BTS WORLD TOUR 'ARIRANG' an neihna pahnih tihchhuah a ni dawn a ni. Hei bakah SEVENTEEN, TOMORROW X TOGETHER leh ENHYPEN full-length concert film-te tihchhuah a ni dawn a, HYBE CHEERING PARTY in 3D pawh tihchhuah a ni ang. Trafalgar Releasing CEO March Allenby chuan, Latin America leh Asia-a hlawhtling taka HYBE CINE FEST an lo buatsaih tawh chhunzawmna a nih thu a sawi.