Streaming service hrang hrangah nitin hla 150,000 vel dah belh

Entertainment data platform Luminate CEO, Rob Jonas chuan streaming platform hrang hrangah nitin hla 150,000 vel dah luh a nih thu a sawi. Kum 2022 vel thleng khan Luminate bakah industry stakeholder dangte chuan nitin hla 100,000 vel upload ṭhin a nih thu leh, tunah chuan thil tam tak a inthlak danglam tawh tih an sawi.

Hetianga hla dah thar a pung chak ta hi AI hmanrua chi hrang hrang Suno, Udio leh thil dang tam tak hmangin rang takin hla a siam zawh zung zung theih tawh vang niin an tarlang. 2025 Suno investor pitch deck tarlan danin, platform-ah hian nitin hla mtd 7 vel siam ṭhin a ni. AI track te hi streaming service-ah dah chhuah vek an ni loa, French streaming service Deezer chuan AI hmanga siam hla 90,000 vel chu nitin an platform-ah hian dah luh a nih thu an sawi a, kumin June thla khan site-ah hian music thar upload 50% in a pung bawk a, hemi hun chhung hian hla 100,000 chuang upload a ni.