Korea box office No.1 ah 'The Intern'

South Korean box office chart tharah, South Korean comedy-drama remake 'The Intern' chuan No.1 a ni. Korean Film Council enkawl KOBIS data chuan film hi tihchhuah a nih aṭanga ni thum chhungin USD mtd 1.9 a la lut tih a tarlang. Film-ah hian Choi Min-Sik leh Han So-Hee te an chang a, Kim Do-Young chuan a direct a ni. Septemner 16-a tlangzarh a nih aṭangin USD mtd 2.8 a la lut tawh bawk.

Chart hmasaa No.1 'The Odyssey' chu pahnihnaah tlahniamin, kar hmasa khan USD mtd 2/3 a lak luh belh a, sum a lak luh tawh zawng zawng chu USD mtd 91.1 a ni. A kar thumna atan 'Obsession' pawh No.3 ah la awmin, kar hmasa khan USD mtd 1 lak luh belhin sum a lak luh tawh zawng zawng chu USD mtd 5.4 a tling. Palinaah September 17-a premiere 'Resident Evil' awmin, USD 783,336 a la lut tling tawh bawk. 'Spider-Man: Brand New Day' chu pangaah a awm.