September 30-ah Comedian Search Season 18 ṭan dawn

Mizoram reality show hlun leh mipui lawm hlawh,Comedian Search chu kumin hian a season 18-na neih a ni leh dawn ta. Season 18-na hi September 30-ah ṭan a ni dawn a, October thla chhungin zawhfel hman tum a ni.

Comedian Search Season 18 hi hi MBOCWWB RAHBI CHHERTU, Labour Employment Skill Development and Entrepreneurship ten an sponsor dawn a ni. October thla chhungin neih a ni dawn a ni. Kumina Comedian Search-ah hian H. Rotluanga chu Chief Organiser/Judge a ni dawn a, kum danga Judge kan lo hmuh ṭhin Lalhruaitluanga Chawngte leh Darrokima te chu Judge an ni leh dawn bawk.Fiamthu lama tuimi tel duh tan hming a la pek luh theih a, LPS Office Zarkawt leh LPS 9 Office, Dinthar-I-ah Form a lak chhuah theih.

Comedian Search hi Mizorama TV show hlun leh kal tluang rei ber a ni a, kum 2008 khan buatsaih ṭan a ni. Kum 2020-ah Covid-19 hri leng vangin an awl a, hemi kum tih loh chu kumtin an la buatsaih a ni, mipui hlut pawh a hlawh chho zel a ni.