Territorial Music School 2026 neih a ni

India Eastern Territory (IET) Territorial Staff Band-in Silver Jubilee an tlin lawmna kal zelah September 15 & 16 khan "Territorial Music School", Youth Recreation Centre (YRC), Falkland Vengah neih a ni. Kevin Larsson, Creative Development Director leh Jacqui Larsson, Social Justice & Disabilities Ministries Director, USA Western Territory te’n resource person niin hun an rawn hmanpui a ni.

Kevin leh Jacqui-te nupa kaltlang hian Corps hrang hrang aṭanga Bandsmen leh Songsters kalkhawmte music ziritirna an neih bakah, Young Peoples (YP) te Timbrel an zirtir bawk . Territorial Staff Band(TSB), Territorial Staff Songsters(TSS), Bandmaster leh Songsters Leader te pualin Consultation/Technical Session, Tuikual Corps ah an hmanpui. TSB leh TSS te hi an hla zirna room ah uluk takin music class an neihpui bakah Motherless Babies Home an tlawh nghal bawk.