Sporify-in Nu leh Pate tan Kids & Family music block-na feature tichhuak

Thiamna ṭhang zelah rimawi kan ngaihthlakna pawh a danglam ve zel a, tunlai khawvela rimawi leh podcast hrang hrang ngaihthlakna lar ber pawl Spotify chuan nu leh pa mahni fate nena account pakhat inṭawmte tan feature thar a siam. An nau awmtlei nana an hla ngaihthlak ṭhinte'n an hla duhzawng ngaihthlak dan a nghawng buai loh nan an duh zawng aṭanga Kids&Family Music block-a mahni duh thliar hranna tur feature thar 'Exclude from your taste profile' an tlangzarh rup mai.

Nu leh pa, nau awm tlei nana hla emaw thawnthu emaw hmang ṭhinten an hla duhzawng an ngaihthlak ve ṭuma naupang hla an ngaihthlak ṭhin rawn in play leh mai ṭhinte sut kian a nih theihna turin, hla inmil lo tak tak ngaihthlak ngai ṭhin tihtawp nan he hmalakna hi an kalpui ta a ni.

Exclude from your taste profile option hmang hian algorithm-in naupang hla a rawn play ṭhin chu awlsam taka tihtawp theih a ni tawh dawn a, rimawi hmanga nau awm ṭhinte tan kawng awlsam a rawn hawnsak a tih theih awm e. Hei bakah year-end wrapped neih ṭhinah pawh heng naupang hlate hi feature thar hmang hian paih theih a ni dawn bawk.