Meta AI agent-in WhatsApp Business setup sak thei tawh

Meta chuan AI-lam tihchangtlunna subsciption plan an puan rualin WhatsApp Business hmangtu, sumdawngte'n awlsam zawka Business messaging an khawih theih nan AI hmanga user-te puitu tur AI agent thar a tlangzarh. Hei hian sumdawngte tana setup tih harsa ṭhin zawng zawngte a chhawk zangkhai hle a rinawm.

Tualchhung dawr te leh business lian zawk ten WhatsApp-a dawrtute chhang tura profile siam te, auto-reply duah te, leh catalog remte hi buaipui tura hunte an sen ve fe a ngai ṭhin. Tun a AI thar hian chung hna thawh hautak leh ninawm zawng zawngte chu minute tlemte chhungin a buaipuisak vek thei tawh dawn a ni.

He AI agent hian business website leh social media page-a thil awm sate chu lo zir chiangin, WhatsApp account chhung ah dawrtute mamawh tawk ang zelin a lo rem fel vek tawh dawn a ni. Sumdawng tan data hrang hrang hmuh a ngai tawh lo a, hun khawhralna a tlem sawt dawn bawk. Meta hian sumdawng te tana WhatsApp hman hi awlsam zawk siam a tum a, AI support thar hian sumdawngte tha sen a chhawk hle a rinawm.