Box Office: Spider-Man ngam loh "Practical Magic 2"e

North American Box Office chart tharah tlangzarh thar, Warner Bros. studio kutchhuak kum 1998 a tihchhuah tawh chhunzawmna 'Practical Magic 2' chu che ṭha nghalin Spider-Man:BND chu No.1 dinhmun aṭanga dawi chhuakin a rawn luahlan thei nghal.

Practical Magic hi kum 1998 a tihchhuah, dawithiam unau an chhungten an thihsan takin dawi thil hmanga an harsatna tawhte an hmachhawnna lam niin; Practical Magic 2-ah erawh dawithiam pahnihin an chhungkua timang vek tura anchhia an neihte bei let tura an beihna lam a ni ve tawh thung. Film-ah hian 98 franchise-a changtu Sandra Bullock leh Nicole Kidman-te pawh kan hmu leh a, kar hmasa chhung khan USD mtd 30 a la lut tling nghal bawk.

A zawna kar ruk chhung chart lo thunun tawh 'Spider-Man: Brand New Day' pawh pahnihnaah tlahniam ve tawhin kar hmasa chhungin USD mtd 8.4 a la lak luh belh leh thei. Universal studio kutchhuak sum la lut hnem ber ni mek 'The Odyssey' pawh USD mtd 7.6 lak luh belh lehin pathumnaah ala inham tang thei.

Film thar vek 'Runner' pawh palinaah rawn lang pha nghalin tihchhuah karah USD mtd 6.5 sum a la lut. Road Runner tiha kan lo hriat lar ṭhin live-action leh animation inpawlha siam, Coyote vs Acme pawh USD mtd 6.4 lak luh belhin Top 5 a la khar phak a ni.