Christian Bale-a'n Foster Care Facility hawng

English actor 'The Dark Knight' star, Christian Bale chuan Zirtawpni liam ta khan California-a Palmdale-ah Together California foster care a hawng tih ABC 7 chuan a puang. He facility-ah hian fahrah unau piang hmunte chu foster care system enkawlna hnuaiah an awm ho thei dawn a ni. Bale chuan midangte tana beiseina siamsak leh, hmangaihna an dawn theihna tur chu a ngaih pawimawh ber thu a sawi.

Community hi square feet 11,000-a zau a ni a, chenna in 12 awmin, foster care aṭanga chhuak turte tan studio apartment pahnih a awm bawk. He system-ah hian naupang 30,000 chuang an awm a ni. Los Angeles hi United States-a naupang enkawlna hmun awm tamna ber a ni. Organizer-te chuan he facility-ah hian naupangte enkawlna ṭha pek bakah, hma hun eng an neih theihna turin program buatsaih a ni dawn tih an sawi a ni. Foster care facility-ah hian thlaleh aṭangin a awm ṭan theih dawn tih an sawi bawk.

Bale chuan, "Khawvela mahni chauha awm a, rilru na leh lungngai taka awm naupang te hmakhua thlirna ṭha leh hmangaihna hlan hi kan tihmakmawh a ni," a ti. Kum 2022 aṭanga Dr. Eric Esrailian nen he hnathawh ṭan a nih hnuah charity aṭanga USD mt 9 zet tlingkhawm chu he hmun sakna atan hian hman a ni bawk.