November-ah 'World of Warcraft: Forever'

Blizzard Entertainment chuan kum 2004-a an tihchhuah, 'World of Warcraft' expanded version, 'World of Warcraft: Forever' tih chu kumin November 4 hian an tlangzarh dawn. 'World of Warcraft: Forever' hi tihchhuah a ni dawn tih Inrinnia Anaheim Convention Centre-a BlizzCon 2026-ah puan a ni.

Game hi tlangzarh a nih rualin zone thar pathum tihchhuah a ni nghal dawn a, chung zingah chuan quest thar 1,000, dungeon thar pakua, raid thar pahnih leh Skyborne race tharte an tel. Game hian skill level 60 thleng a nei dawn a, original version 'WoW' zulzuia siam a ni. Hei bakah 'Warcraft' team chuan 'Warcraft 3' campaign chu kum 20 chuang hnuah kalpui a ni dawn puangin, nimin khan an ṭan a ni. BlizzCon opening ceremony-ah hian kum 2030-a tihchhuah tur, 'StarCraft' game pawh puan a ni a, kum 2029-ah 'Diablo V' tlangzarh tur niin, Netflix-ah 'Diablo' animated TV series siam a ni mek bawk.