Nakkumah Def Leppard documentary

English rock band Def Leppard, kum 1976-a Sheffield-a band an din aṭanga khawvel mipui hriata an lar chhuah dan tarlanna documentary tihchhuah a ni dawn a, filmmaker Jeff Feuerzeig-a'n a direct dawn. Documentary hi 'Long Live Def Leppard' tih a ni a, feature-length documentary an siam hmasakna ber tur a ni. Def Leppard hian khawvel pumah album copy mtd 110 chuang an hralh chhuak a, kum 2019 khan Rock & Roll Hall of Fame-ah lak luh an ni bawk.

Documentary hi Bleecker Street-a event cinema division Crosswalk chuan North America-ah a tichhuak dawn a, nakkum kumtir lam hian theatre-ah tlangzarh a ni ang. Documentary hi an band nen thawh dunna ṭha tak hnuaia siam a ni a, band member Joe Elliot, Phil Collen, Rick Savage, Vivian Campbell leh Rick Allen-te footage mipuiin an la hmuh ngai lohte pholan a ni dawn. 'Pyromania' leh 'Hysteria' album an tihchhuah hnua drummer Rick Allen-a'n a ban tan ngai khawpa accident a tawh leh, guitarist Steve Clark kum 1991-a a thihna chunghchang pawh pholan a ni ang.