Global Citizen festival-ah Alicia Keys '& Friends leh Victoria Monét

Global Citizen festival organization chuan Ningani khan, kumin September 26-a New York-a Central Park-a festival an buatsaih tura perform turte an puang a, chung zingah chuan Alicia Keys &' friends leh Victoria Monét-te an tel a, anni bakah Yeonjun leh Yoshiki-te pawh an tel.

Festival-a perform tur zingah hian Lauryn Hill & Wyclef Jean, Lenny Kravitz, John Legend, Lainey Wilson, Shaboozey and Tomorrow X Together bakah Bill Nye, IZA, Jordan Fisher, Katie Couric, Lais Ribeiro, Marcus Samuelsson, Naomi Watanabe, Nomzamo Mbatha, PJ Sin Suela leh Vladimir Duthiers-te chu tun hnai khan puan an lo ni tawh bawk. Show hi Hugh Jackman-a'n a host dawn a ni.

Thuchhuah an siamah, festival hi khawvel puma mi rethei leh hnuaihnung zawkte puihna atana buatsaih a ni a, naupang mtd 2 tan sikul an kal theihna tur remchang siam sak, loneitu mtd 1.5 puihbawmna pek leh, chenna in mtd 2.5 tana electric supply pekte an tum a ni.