'South Park' series 'South America' tihin thlak

American animated TV series lar, 'South Park' chu season 29-na tihchhuah a nih hmain, series creator Trey Parker leh Matt Stone-te chuan 'South America' tiha thlak a nih thu an puang. Series hming thlak hi Apple leh Google-te huaisenna leh ram hmangaihna aṭanga infuih tharin, 'South Park' tih chu 'South America' tiha thlak a ni tih thuchhuahah an tarlang. 'South Park' season 29 hi kumin September 16 hian Comedy Central-ah premiere a ni ang.

Series hming thlak hi U.S. president Donald Trump-a'n ramchhunga hmun pawimawh hrang hrang America hming telh tura thupek a tihchhuah hnuah niin, Trump hian tun hnaiah Canada nen an insumdawntawnna lama buaina an neih avangin Lake Ontario chu Lake America tia thlak a ni dawn tih a sawi a, New Mexico chu New America tiha thlak a ni thuai dawn tih a sawi bawk. Trump hian Gulf of Mexico chu Gulf of America tiha thlak turin thupek a lo tichhuak tawh bawk a, Google leh Apple chuan an map app-ah he thlak danglamna hi an tarlang tawh a ni.